મહેસાણા જિલ્લાના બદપુરા મેઉ ગામ ખાતેના દંપતી અને તેમની ત્રણ વર્ષની દીકરી દસેક દિવસ પહેલા દુબઈથી પોર્ટુગલ જવા માટે રવાના થયા હતા. પરંતુ તેમનું અપરહણ કર્યા બાદ પોર્ટુગલ લઈ જવાના બદલે લિબિયા લઈ ગયા હતા. જ્યાં કોઈ અજ્ઞાત સ્થળે ત્રણેયને બંધક બનાવી અજાણ્યા શખ્સો દ્વારા રૂપિયા એક કરોડની માંગણી કરી હતી.
અમારા મહેસાણાનાં પ્રતિનિધિ જણાવે છે કે, તેમના પરિવારે મહેસાણા જિલ્લા કલેકટરને રજૂઆત કરીને દંપતી અને બાળકીને હેમખેમ ઘરે લાવવા માંગણી કરી છે. તેમજ બંધકોના પરિવારે કેન્દ્ર સરકાર અને રાજ્ય સરકારને બંધકોને પરત લાવવા માંગ કરી છે.