મહીસાગર જિલ્લામાં આજે બે અલગ અલગ અકસ્માતમાં બે લોકોના મોત થયા છે. પ્રથમ ઘટનામાં લુણાવાડા વરધરી માર્ગ પર ડમ્પરે અડફેટે લેતા એક રાહદારીનું ઘટના સ્થળે મોત થયું. જ્યારે અન્ય એક અકસ્માત ખાનપુર તાલુકાના ભાદરોડ ગામ નજીક સર્જાયો હતો જેમાં ડમ્પર ચાલકે સ્ટેરિંગ પરનો કાબુ ગુમાવતા ડમ્પર ઝાડ સાથે અથડાયું હતું.જેમાં ચાલકનું મોત નીપજ્યું હતું. ઘટના અંગે પોલીસે વધુ તપાસ હાથ ધરી હતી.