મહિલા પ્રીમિયર લીગ ક્રિકેટની બીજી મેચમાં, ગુજરાત જાયન્ટ્સે યુપી વોરિયર્ઝને 10 રનથી હરાવ્યું. ગઇકાલે નવી મુંબઈમાં રમાયેલી મેચમાં પ્રથમ બેટિંગ કરતા, ગુજરાત જાયન્ટ્સે 20 ઓવરમાં 4 વિકેટે 207 રન બનાવ્યા હતા.જવાબમાં, યુપી વોરિયર્ઝે નિર્ધારિત 20 ઓવરમાં આઠ વિકેટે 197 રન જ બનાવી શકતા તેનો પરાજય થયો હતો. નવી મુંબઈમાં ડો. ડીવાય પાટિલ સ્પોર્ટ્સ એકેડેમી ખાતે શ્રેણીની ત્રીજી મેચમા આજે મુંબઈ ઇન્ડિયન્સ દિલ્હી કેપિટલ્સ સામે ટકરાશે. આ મેચ આજે સાંજે સાડા સાત વાગ્યે શરૂ થશે.