મહિલા ODI ક્રિકેટ વિશ્વ કપમાં ભારતે પાકિસ્તાનને 88 રનથી હરાવ્યું. કોલંબોના આર. પ્રેમદાસા સ્ટેડિયમ ખાતે પ્રથમ બેટિંગ કરતા ભારતે 50 ઓવરમાં 247 રન બનાવ્યા. લક્ષ્યનો પીછો કરતા પાકિસ્તાન 159 રનમાં ઓલઆઉટ થઈ ગયું. ભારત તરફથી ક્રાંતિ ગૌર અને દીપ્તિ શર્માએ ત્રણ-ત્રણ વિકેટ લીધી, જ્યારે સ્નેહ રાણાએ બે વિકેટ લીધી. ક્રાંતિ ગૌરને પ્લેયર ઓફ ધ મેચ જાહેર કરવામાં આવી.હરલીન દેઓલે સૌથી વધુ 46 રન, રિચા ઘોષે 35 અને જેમીમા રોડ્રિગ્સે 32 રન બનાવ્યા. આ ટુર્નામેન્ટમાં ભારતની બીજી જીત છે. અગાઉ, ભારતીય ટીમે પોતાની પહેલી મેચમાં શ્રીલંકાને હરાવ્યું હતું. ભારતનો આગામી મુકાબલો 9 ઓક્ટોબરે દક્ષિણ આફ્રિકા સામે થશે. આ ટુર્નામેન્ટમાં પાકિસ્તાનનો સતત બીજો પરાજય છે.