શ્રીલંકાના કૉલમ્બોમાં એક દિવસીય મહિલા ક્રિકેટ વિશ્વકપમાં ભારત અને પાકિસ્તાન વચ્ચે મૅચ રમાઈ રહી છે. પાકિસ્તાને ટૉસ જીતીને પહેલા બૉલિંગનો નિર્ણય કર્યો છે. હાલમાં મળતાં અહેવાલ મુજબ, ભારતે 50 ઓવરમાં 247 રન કર્યાં.
ભારત તરફથી અત્યાર સુધી સૌથી વધુ 46 રન હરલિન દેઓલે બનાવ્યા છે. જ્યારે જેમિમાહ રોડ્રિગ્ઝ 32 અને ઑપનર પ્રતિકા રાવલ 31 રન બનાવીને આઉટ થઈ ગયાં હતાં.
ઉલ્લેખનીય છે કે, ભારતે અત્યાર સુધીમાં પાકિસ્તાન સામે તમામ 11 મુકાબલા જીત્યા છે. વર્ષ 2022ના વિશ્વકપમાં ભારતનો 107 રનથી વિજય થયો હતો.