મહિલા એશિયા કપ ટી-20 ક્રિકેટની ફાઈનલમાં શ્રીલંકા સામે ભારત હારી ગયું છે. ભારતે ટોસ જીતી પહેલા બેટિંગ કરીને 6 વિકેટ ગુમાવી 165 રન બનાવ્યા હતા. ભારત તરફથી સૌથી વધારે 60 રન સ્મૃતિ મંધાનાએ બનાવ્યાં હતાં. જ્યારે રિચા ઘોષ 30 અને રોડ્રીગ્યૂસ 29 રન બનાવી આઉટ થઈ ગયાં હતાં. 166 રનના લક્ષ્યાંકનો પીછો કરતા શ્રીલંકાની ટીમે 18.4 ઑવરમાં 2 વિકેટે 167 રન બનાવી ફાઈનલમાં જીત મેળવી છે.
શ્રીલંકા તરફથી સૌથી વધારે હર્ષિથા સમરવિક્રમાએ અણનમ 69 રન બનાવ્યા હતા. જ્યારે કેપ્ટન ચમારી અથપઠ્ઠુએ 61 અને કવિષા દિલહારીએ અણનમ 30 રન બનાવ્યા હતા.