મહારાષ્ટ્ર વિધાનસભા ચૂંટણી માટે કોંગ્રેસે 23 અને શિવસેનાએ 15 ઉમેદવારોની બીજી યાદી જાહેર કરી. કોંગ્રેસે રાલેગાંવથી મહારાષ્ટ્રના પૂર્વ મંત્રી વસંત પુરકે, સાવનેરથી અનુજા કેદાર, અર્જુની-મોરગાંવથી દિલીપ બંસોડ, જાલનાથી કૈલાસ ગોરંત્યાલ અને સાયન-કોલીવાડાથી ગણેશ યાદવને મેદાનમાં ઉતાર્યા છે. શિવસેનાએ ધુલેથી અનિલ ગોટે, હિંગોલીમાં રૂપાલી પાટીલ, શિવડીથી અજય ચૌધરી અને બાઈકુલાથી મનોજ જમસુતકરને ઉમેદવાર બનાવ્યા છે.
મહારાષ્ટ્ર વિધાનસભા ચૂંટણી માટે આ સોમવારે ઉમેદવારી દાખલ કરી શકાશે. જ્યારે ચૂંટણી માટે 20 નવેમ્બરે મતદાન અને 23 નવેમ્બરે મતગણતરી થશે.