મહારાષ્ટ્ર વિધાનસભાનું ત્રણ દિવસીય વિશેષ સત્ર આજથી મુંબઈમાં શરૂ થયું છે. આજે અને આવતી કાલે નવા ચૂંટાયેલા ધારાસભ્યોને શપથ લેવડાવવામાં આવશે અને વિધાનસભા અધ્યક્ષની પસંદગી કરવામાં આવશે.
કાર્યવાહીનું નીરિક્ષણ કરવા માટે વચગાળાના અધ્યક્ષ તરીકે ભારતીય જનતા પાર્ટીના વરિષ્ઠ નેતા અને નવ વારના ધારાસભ્ય કાલિદાસ કોળાંબકરની નિયુક્તિ કરવામાં આવી છે.
સોમવારે વિધાનસભા અધ્યક્ષની ચૂંટણી યોજાશે, ત્યારબાદ દેવેન્દ્ર ફડણવીસના નેતૃત્વમાં મહાગઠબંધન સરકાર વિશ્વાસ મત મેળવશે.
તાજેતરમાં પૂર્ણ થયેલી મહારાષ્ટ્ર વિધાનસભાની ચૂંટણીમાં ભારતીય જનતા પાર્ટી, શિવસેના અને રાષ્ટ્રવાદી કોંગ્રેસ પાર્ટીના મહાગઠબંધનને 288માંથી 230 બેઠકો મળી હતી.