મહારાષ્ટ્ર વિધાનસભાના વિશેષ સત્રના બીજા દિવસે કાર્યકારી અધ્યક્ષ કાલિદાસ કોલંબકરે અન્ય ધારાસભ્યોને શપથ લેવડાવ્યા હતા.
દરમિયાન ભાજપના નેતા રાહુલ નાર્વેકરે મહાયુતિના ઉમેદવાર તરીકે વિધાનસભાના અધ્યક્ષ પદ માટે ઉમેદવારી નોંધાવી હતી. આ પ્રસંગે મુખ્યમંત્રી દેવેન્દ્ર ફડણવીસ, નાયબ મુખ્યમંત્રી એકનાથ શિંદે અને અજિત પવાર, ભાજપના નેતાઓ ચંદ્રશેખર બાવનકુલે અને ચંદ્રકાંત પાટીલ પણ હાજર હતા. વિપક્ષ મહાવિકાસ આઘાડીના કોઈ સભ્યએ ઉમેદવારી નોંધાવી નથી. શ્રી નાર્વેકર બિનહરીફ પ્રમુખ તરીકે ચૂંટાશે. આ અંગેની સત્તાવાર જાહેરાત આવતીકાલે ગૃહમાં થવાની ધારણા છે.