પ્રધાનમંત્રી નરેન્દ્ર મોદીએ કહ્યું છે કે, હૈદરાબાદમાં વિશ્વની સૌથી મોટી એન્જિન MRO સુવિધાનું ઉદ્ઘાટન, ભારતીય નૌકાદળમાં INS માહેનો સમાવેશ અને દેશમાં સ્કાયરૂટના ઇન્ફિનિટી કેમ્પસનું ઉદ્ઘાટન જેવી તાજેતરની ઘટનાઓ ભારતની નવી વિચારસરણી, નવીનતા અને યુવા શક્તિનું પ્રદર્શન કરે છે.
આજે આકાશવાણી પરથી પ્રસારીત થયેલા મન કી બાત કાર્યક્રમમાં પોતાના વિચારો વ્યક્ત કરતા શ્રી મોદીએ કહ્યું કે હૈદરાબાદમાં દુનિયાના સૌથી મોટા લીપ એન્જિન એમઆરઓ ફેસિલિટીનું ઉદ્ઘાટન સાથે ભારતે આ ક્ષેત્રમાં મોટું પગલું ભર્યું છે.
શ્રી મોદી કહ્યું કે ભારતે કૃષિ ક્ષેત્રમાં એક મોટું સીમાચિહ્ન હાંસલ કરીને ઐતિહાસિક રેકોર્ડ બનાવ્યો છે.
પ્રધાનમંત્રીએ જણાવ્યું કે ભારત મધ ઉત્પાદનમાં નવા વિક્રમો સ્થાપી રહ્યું છે. છેલ્લા 11 વર્ષમાં દેશમાં મધનું ઉત્પાદન લગભગ બમણું થયું છે. છેલ્લા કેટલાક વર્ષોમાં મધની નિકાસ ત્રણ ગણાથી વધુ વધી છે. શ્રી મોદીએ ઉમેર્યું કે હની મિશન કાર્યક્રમ હેઠળ, ખાદી અને ગ્રામોદ્યોગે લોકોમાં 2.25 લાખથી વધુ મધમાખીના બોક્સનું વિતરણ કર્યું છે, જેનાથી હજારો લોકો માટે રોજગારીની નવી તકો ઉભી થઈ છે.
પ્રાકૃતિક ખેતી પરની મેગા કોન્ફરન્સ અંગે બોલતા, શ્રી મોદીએ કહ્યું કે તેઓ દક્ષિણ ભારતમાં કુદરતી ખેતીને પ્રોત્સાહન આપવા માટે થઈ રહેલા પ્રયાસોથી ખૂબ પ્રભાવિત થયા છે
પ્રધાનમંત્રીએ કહ્યું કે કુરુક્ષેત્રના બ્રહ્મ સરોવર ખાતે આંતરરાષ્ટ્રીય ગીતા મહોત્સવમાં યુરોપ અને મધ્ય એશિયા સહિત વિશ્વભરના ઘણા દેશોના લોકોએ ભાગ લીધો હતો.
પ્રધાનમંત્રીએ કહ્યું કે ભારતે રમતગમતની દુનિયામાં પણ પોતાનું નામ બનાવ્યું છે.
તેમણે કહ્યું કે, વિશ્વના અનેક દેશોએ શિયાળૂ પર્યટનને, પોતાની અર્થવ્યવસ્થાનો આધાર બનાવી દીધો છે