ભારત આજે અમદાવાદના નરેન્દ્ર મોદી સ્ટેડિયમ ખાતે બે મેચની શ્રેણીની પ્રથમ ક્રિકેટ ટેસ્ટ મેચમાં વેસ્ટ ઇન્ડીઝ સામે બે વિકેટે 121 રનના સ્કોરથી પોતાનો પહેલો દાવ ફરી શરૂ કરશે. ગઈકાલે પ્રથમ દિવસની રમત સમાપ્ત થઈ ત્યારે કે એલ રાહુલ 53 અને શુભમન ગિલ 18 રન પર રમી રહ્યા હતા જ્યારે યશસ્વી જયસ્વાલે 36 રન બનાવ્યા હતા.આ પહેલા, પ્રથમ બેટિંગ કરવાનો નિર્ણય લેતા, વેસ્ટ ઈંડિઝની ટીમ પ્રથમ દાવમાં 162 રનમાં ઓલઆઉટ થઈ ગઈ હતી. ભારત તરફથી મોહમ્મદ સિરાજે ચાર જ્યારે જસપ્રીત બુમરાએ ત્રણ વિકેટ લીધી હતી.