ભારત વર્ષ 2026-27 માટે સૌથી વધુ મતો સાથે આંતરરાષ્ટ્રીય દરિયાઈ સંગઠન-IMO પરિષદમાં ફરી વાર ચૂંટાયું છે. ગઈકાલે લંડન ખાતે IMO મહાસભાના 34મા સત્ર દરમિયાન પરિષદની ચૂંટણી યોજાઈ હતી. આંતરરાષ્ટ્રીય દરિયાઈ વેપારમાં સૌથી વધુ રસ ધરાવતા 10 દેશોની શ્રેણીમાં ભારતે સૌથી વધુ મતો મેળવ્યા છે. કેન્દ્રીય બંદરો, શિપિંગ અને જળમાર્ગ મંત્રી સર્બાનંદ સોનોવાલે આ સિદ્ધિ પર આનંદ વ્યક્ત કરતા કહ્યું કે, આ ભારતના દરિયાઈ ક્ષેત્ર માટે ગર્વની ક્ષણ છે. મંત્રાલયે એક નિવેદનમાં જણાવ્યું કે, ભારતનો સૌથી વધુ મતો સાથે વિજય વૈશ્વિક શિપિંગમાં ભારતના રચનાત્મક નેતૃત્વમાં આંતરરાષ્ટ્રીય સમુદાયના મજબૂત વિશ્વાસને પ્રતિબિંબિત કરે છે. આ પરિષદમાં ત્રણ શ્રેણીમાં 40 ચૂંટાયેલા સભ્યોનો સમાવેશ થાય છે.