કેન્દ્રીય નવી અને નવીનીકરણીય ઉર્જા રાજ્યમંત્રી શ્રીપદ યેસો નાઈકે વિશ્વાસ વ્યક્ત કર્યો છે કે ભારત ગ્રીન હાઇડ્રોજન ઇનોવેશન માટે વૈશ્વિક કેન્દ્ર તરીકે ઉભરી રહ્યું છે. મંત્રીએ ગઈકાલે નવી દિલ્હીમાં બે દિવસીય પ્રથમ ગ્રીન હાઇડ્રોજન આર એન્ડ ડી કોન્ફરન્સના સમાપન સત્રને સંબોધતા આ વાત કહી હતી.
ગ્રીન હાઇડ્રોજનના મહત્વ પર પ્રકાશ પાડતા, શ્રી નાઈકે કહ્યું કે આ ઇંધણ નવા વ્યવસાય ક્ષેત્રો ખોલશે અને સ્વચ્છ અને સુરક્ષિત ભવિષ્ય બનાવશે. તેમણે કહ્યું કે ભારત 2070 સુધીમાં ચોખ્ખા શૂન્ય કાર્બન ઉત્સર્જન પ્રાપ્ત કરવાના માર્ગ પર છે જે સૌથી મુશ્કેલ ક્ષેત્રોમાં કાર્બન ઉત્સર્જન ઘટાડવાનું, નવી વેપાર સીમાઓ ખોલવાનું, સ્વચ્છ અને સુરક્ષિત ભવિષ્ય બનાવવાનું વચન આપે છે.
તેમણે પુનરોચ્ચાર કર્યો કે રાષ્ટ્રીય ગ્રીન હાઇડ્રોજન મિશન દ્વારા, ભારત હાઇડ્રોજન ટેકનોલોજીમાં નવીનતા અને ઉત્પાદન માટે વૈશ્વિક કેન્દ્ર તરીકે ઉભરી આવશે.