ભારત આઈસીસી મહિલા ટી20 વર્લ્ડ કપ 2024માં તેના અભિયાનની શરૂઆત 4 ઓક્ટોબરે દુબઈમાં ન્યૂઝીલેન્ડ સામેની મેચ સાથે કરશે. જ્યારે બીજી મેચ 6 ઓક્ટોબરે તે જ સ્થળે કટ્ટર હરીફ પાકિસ્તાન સામે ટકરાશે. ભારતની ત્રીજી મેચ 9 ઓક્ટોબરે શ્રીલંકા વિરુદ્ધ રમાશે. 13 ઓક્ટોબરે શારજાહમાં ગત ચેમ્પિયન ઓસ્ટ્રેલિયા સામે હાઈ-વોલ્ટેજ મેચ સાથે ભારત ગ્રુપ સ્ટેજ સમાપ્ત કરશે.
મહિલા T20 વર્લ્ડ કપ બાંગ્લાદેશમાં યોજાવાની હતી, પરંતુ તે થોડા અઠવાડિયા પહેલા જ સંયુક્ત આરબ અમીરાતમાં તબદીલ કરવામાં આવી હતી.
ટુર્નામેન્ટની બે સેમિફાઇનલ 17 અને 18 ઓક્ટોબરે દુબઈ અને શારજાહમાં રમાશે અને ફાઈનલ 20 ઓક્ટોબરે દુબઈમાં રમાશે.