ભારતે માલદીવને 4 હજાર 850 કરોડ રૂપિયાની ધિરાણ સહાય આપી છે. આ સહાયથી દેશભરમાં મુખ્ય માળખાગત સુવિધાઓ અને વિકાસ પ્રોજેક્ટ્સને ભંડોળ પૂરું પાડવાની અપેક્ષા છે. માલદીવની વાર્ષિક દેવાની ચુકવણીની જવાબદારીઓ ઘટાડવા માટે એક સુધારા કરાર પર હસ્તાક્ષર કરવામાં આવ્યા હતા. આ ભારત દ્વારા ભંડોળ પૂરું પાડવામાં આવેલી અગાઉની ધિરાણ સહાય પર આધારિત છે. બંને દેશોએ આજે ચાર સમજૂતી કરાર અને ત્રણ કરારો પર હસ્તાક્ષર કર્યા. આ કરારો માછીમારી અને જળચર ઉછેર, ડિજિટલ સમાધાન અને ભારતીય ફાર્માસ્યુટીકલ્સની માન્યતાના ક્ષેત્રમાં છે.
માલદીવમાં UPI શરૂ કરવા માટે નેશનલ પેમેન્ટ્સ કોર્પોરેશન ઓફ ઈન્ડિયા-NPCI ઈન્ટરનેશનલ પેમેન્ટ્સ લિમિટેડ અને માલદીવ્સ મોનેટરી ઓથોરિટી વચ્ચે નેટવર્ક-ટુ-નેટવર્ક કરાર પર પણ બંને દેશો વચ્ચે હસ્તાક્ષર કરવામાં આવ્યા હતા. બંને દેશો વચ્ચે ભારત-માલદીવ મુક્ત વેપાર કરાર માટે શરતો પર પણ સંમતિ સધાઈ હતી.
શ્રી મોદીએ ભારતની ખરીદનાર ક્રેડિટ સુવિધાઓ હેઠળ હુલહુમાલેમાં બાંધવામાં આવેલા 3 હજાર 300 સામાજિક આવાસ એકમોનું ઉદ્દઘાટન કર્યું. પ્રધાનમંત્રીએ માલદીવમાં અડ્ડુ શહેરના રોડ અને ડ્રેનેજ સિસ્ટમના પ્રોજેક્ટ્સનું પણ ઉદ્ઘાટન કર્યું. શ્રી મોદી માલદીવના સંરક્ષણ મંત્રાલયના ભવનનું ઉદ્ઘાટન પણ કરશે