ક્રિકેટમાં, ભારતે ત્રણ મેચની ODI શ્રેણીની પહેલી મેચમાં દક્ષિણ આફ્રિકાને 17 રનથી હરાવ્યું. ગઇકાલે રાંચિમાં રમાયેલી મેચમાં 350 રનના લક્ષ્યનો પીછો કરતા, દક્ષિણ આફ્રિકા 4 બોલ બાકી રહેતા 332 રનમાં ઓલઆઉટ થઈ ગયું. કુલદીપ યાદવે 4 જ્યારે હર્ષિત રાણાએ 3 વિકેટ લીધી હતી.પહેલા બેટિંગ કરતાં વિરાટ કોહલીના 120 બોલમાં 135 રનની મદદથી, ભારતે નિર્ધારિત 50 ઓવરમાં 8 વિકેટે 349 રન બનાવ્યા હતા. આ ઇનિંગ સાથે, કોહલીએ તેની 52મી ODI આંતરરાષ્ટ્રીય સદી નોંધાવી અને આંતરરાષ્ટ્રીય ક્રિકેટમાં એક જ ફોર્મેટમાં સૌથી વધુ સદીનો નવો વિશ્વ વિક્રમ સર્જ્યો છે.વિરાટ કોહલીને પ્લેયર ઓફ ધ મેચ જાહેર કરવામાં આવ્યો હતો. આ જીત સાથે ભારત ત્રણ મેચની ODI શ્રેણીમાં 1-0થી આગળ છે.