ક્રિકેટમાં, ભારતે આજે લંડનના ઓવલ ખાતે ઇંગ્લેન્ડ સામે એન્ડરસન-તેંડુલકર ટ્રોફીની છેલ્લી ટેસ્ટમાં 6 રનથી રોમાંચક વિજય મેળવ્યો અને પાંચ મેચની શ્રેણી 2-2 થી સરભર કરી.
યજમાન ઇંગ્લેન્ડ પાંચમા દિવસે બીજા દાવમાં 367 રનમાં ઓલઆઉટ થઈ ગયું હતું, જ્યારે ભારતે દિવસની આક્રમક શરૂઆત કરી હતી, જેમાં મોહમ્મદ સિરાજે બે અને પ્રસિદ્ધ કૃષ્ણાએ અન્ય એક વિકેટ લઈને રમતને વધુ રોમાંચક બનાવી. અંતે, સિરાજે છેલ્લી વિકેટ લીધી અને ભારતે રમત જીતી લીધી. સિરાજ ભારતીય ટીમનો હીરો રહ્યો અને તેણે બીજી ઇનિંગમાં પાંચ વિકેટ સહિત નવ વિકેટ લીધી. યજમાન ટીમે 6 વિકેટ ગુમાવીને 339 રનથી પોતાનો બીજો દાવ શરૂ કર્યો હતો. ભારતે પહેલી ઇનિંગમાં 224 અને બીજી ઇનિંગમાં 396 રન બનાવ્યા હતા. જ્યારે ઇંગ્લેન્ડ પહેલી ઇનિંગમાં 247 રનમાં ઓલઆઉટ થઈ ગયું હતું.