ભારતીય રિઝર્વ બેન્કે ગઈકાલે વિદેશી મુદ્રા ભંડારના સંચાલન પર એપ્રિલથી સપ્ટેમ્બર સુધીનો 43મો અર્ધ-વાર્ષિક અહેવાલ બહાર પાડ્યો છે. આ અહેવાલ અનુસાર, 18 ઑક્ટોબર 2024એ ભારતનું વિદેશી મુદ્રા ભંડાર 688.27 અબજ અમેરિકી ડૉલર હતું. ફેબ્રુઆરી 2004માં ભારતીય રિઝર્વ બેન્કે અર્ધ-વાર્ષિક અહેવાલના સંકલન અને તેને જાહેરમાં પ્રકાશિત કરવાની પ્રક્રિયા શરૂ કરી હતી, જેનો ઉદ્દેશ દેશના વિદેશી મુદ્રા ભંડારના સંચાલનને પારદર્શક બનાવવાનો છે.