ભારતીય જનતા પાર્ટીએ આજથી દેશભરમાં આત્મનિર્ભર ભારત અને હર ઘર સ્વદેશી અભિયાન શરૂ કર્યું છે. નવી દિલ્હીમાં આયોજિત એક પત્રકાર પરિષદમાં પાર્ટીના મહાસચિવ અરુણ સિંહે જાહેરાત કરી કે આ અભિયાન 25 ડિસેમ્બરે પૂર્વ પ્રધાનમંત્રી સ્વર્ગિય અટલ બિહારી વાજપેયીની જન્મજયંતિ સુધી ચાલુ રહેશે. તેમણે કહ્યું કે પ્રધાનમંત્રી નરેન્દ્ર મોદીએ 2047 સુધીમાં વિકસિત ભારત બનાવવાનો સંકલ્પ લીધો છે અને આ લક્ષ્ય પ્રાપ્ત કરવાનો માર્ગ આત્મનિર્ભર ભારત દ્વારા જ છે.
શ્રી સિંહે કહ્યું કે આ 90 દિવસના અભિયાન દરમિયાન, ભાજપ અને તેના કાર્યકરો દેશભરના લોકો સુધી પહોંચશે અને તેમને સ્વદેશી ઉત્પાદનોને ટેકો આપવા અને ખરીદવા માટે પ્રોત્સાહિત કરશે.