૧૬ વર્ષીય ભારતીય શટલર તન્વી શર્માએ આજે લખનૌમાં સૈયદ મોદી આંતર રાષ્ટ્રીય બેડમિન્ટન સ્પર્ધામાં માં ભૂતપૂર્વ વર્લ્ડ ચેમ્પિયન નોઝોમી ઓકુહારાને હરાવીને મહિલા સિંગલ્સ ક્વાર્ટર ફાઇનલમાં પ્રવેશ કર્યો. તન્વીએ રાઉન્ડ ઓફ ૧૬ મેચમાં જાપાની અનુભવી ખેલાડીને ૧૩-૨૧, ૨૧-૧૬, ૨૧-૧૯ થી હરાવી.
સ્પર્ધામાં ક્વાર્ટર ફાઇનલમાં પહોંચનાર અન્ય ભારતીય શટલરોમાં ટ્રીસા જોલી અને ગાયત્રી ગોપીચંદની ડબલ્સ જોડી તેમજ સિંગલ્સ ખેલાડીઓ ઉન્નતિ હુડા, ઇશારાની બરુઆહ, મિથુન મંજુનાથ, કિદામ્બી શ્રીકાંત, પ્રિયાંશુ રાજાવત અને મનરાજ સિંહનો સમાવેશ થાય છે.