ભરૂચ જિલ્લાના વાગરામાં બોઇલરમાં વિસ્ફોટથી થતાં 3 લોકોના મોતના અહેવાલ છે. અમારા પ્રતિનિધિ વાહીદ મશહદી જણાવે છે કે સાયખા GIDC વિસ્તારમાં વિશાલ ફાર્મા કંપનીમાં આ દુર્ઘટના બની હતી જેમાં 24 લોકો ઇજાગ્રસ્ત થયા છે. તમામ ઇજાગ્રસ્તોને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા છે.
ઘટનાની જાણ થતા જ ચારથી પાંચ અગ્નિશમન દળની ગાડીઓ સ્થળ પર પહોંચી બચાવ અને રાહતની કામગીરી શરૂ કરી. કાટમાળ હટાવવાની કામગીરી સાથે મૃત્યુઆંક વધવાની શક્યતા જોતાં શોધ અભિયાન ચાલી રહ્યું છે.