બોત્સ્વાના આજે પ્રોજેક્ટ ચિત્તા હેઠળ ભારતને સ્થાનાંતરણ માટે ચિત્તા સોંપશે. ગઈકાલે રાષ્ટ્રપતિ દ્રૌપદી મુર્મુ અને તેમના બોત્સ્વાના સમકક્ષ ડુમા બોકો વચ્ચે દ્વિપક્ષીય વાટાઘાટોના અંતે સંયુક્ત પ્રેસ બ્રીફિંગ દરમિયાન આ જાહેરાત કરવામાં આવી હતી.ભારત અને બોત્સ્વાનાના રાષ્ટ્રપતિ ગેબોરોન નજીક ચિત્તાઓને મુક્ત કરવાના સાક્ષી બનશે. આ કાર્યક્રમ બોત્સ્વાના દ્વારા ભારતને ચિત્તાઓનું પ્રતીકાત્મક દાન દર્શાવે છે. આ સોંપણી બંને દેશો વચ્ચે વન્યજીવન સંરક્ષણમાં દ્વિપક્ષીય સહયોગના નવા અધ્યાયની શરૂઆત દર્શાવે છે.ચિત્તાઓ ભારતમાં સ્થાનાંતરિત થાય તે પહેલાં થોડા સમય માટે ક્વોરેન્ટાઇન સુવિધામાં રહેશે. બોત્સ્વાના ભારતમાં ચિત્તાઓની વસ્તીના પુનર્જીવનમાં મદદ કરવા માટે ભારતને આઠ ચિત્તાનું દાન કરશે.રાષ્ટ્રપતિ ડુમા બોકોએ કહ્યું હતું કે આ કરાર સહિયારા પર્યાવરણીય લક્ષ્યો અને જૈવવિવિધતાને પ્રોત્સાહન આપવાની ભાવના દર્શાવે છે. બોત્સ્વાનાના સમર્થન બદલ આભાર માનતા રાષ્ટ્રપતિ મુર્મુએ કહ્યું હતું કે ભારત મોટી બિલાડીઓની સારી સંભાળ રાખશે.