બોટાદનાં ફાતિમા હિરાણી યોગાસન ક્ષેત્રે રાષ્ટ્રીય વિજેતા બન્યાં છે. હવે તેઓ દેશનું પ્રતિનિધિત્વ કરવા વિએતનામ વિશ્વ યોગ સ્પર્ધામાં ભાગ લેશે. સામાન્ય પરિવારનાં આ ખેલાડીમાં શૈક્ષણિક કાર્ય સાથે યોગ ક્ષેત્રે અનેક સિદ્ધિઓ હાંસલ કરી છે.
ગત 12 વર્ષથી તેઓ અનેક સ્પર્ધામાં વિજેતા બન્યાં છે. તેમાં નવ વખત રાષ્ટ્રીય વિજેતા, સાત વખત આંતર-રાષ્ટ્રીય વિજેતા, ચાર જેટલા રાષ્ટ્રીય પુરસ્કારનો સમાવેશ થાય છે. સાથે જ તેમણે 17 સુવર્ણ, સાત રજત અને પાંચ કાંસ્ય ચંદ્રક જીત્યા છે. સાથે જ 27 જેટલા યોગા વિજયચિહ્ન મેળવ્યા છે.