રાજ્ય ચૂંટણી પંચે ગ્રામ પંચાયતોની ચૂંટણી કાર્યક્રમની જાહેરાત સાથે જ આદર્શ આચારસંહિતાનો અમલ શરૂ થઇ ગયો છે. સ્થાનિક સ્વરાજની આ ચૂંટણી બેલેટ પેપરથી યોજાશે. આગામી 22 જૂને ચાર હજાર 688 ગ્રામ પંચાયતની સામાન્ય અને ત્રણ હજાર 638 ગ્રામ પંચાયતની પેટા-ચૂંટણી માટે મતદારો બેલેટ પેપરથી મતદાન કરશે. આ મતદાન બાદ 25 જૂને મત ગણતરી હાથ ધરાશે. રાજ્યના એક કરોડ 30 લાખથી વધુ મતદારો મતાધિકારનો ઉપયોગ કરશે.