ફેબ્રુઆરીમાં યોજાનારી સ્થાનિક સ્વરાજ્યની ચૂંટણીઓ માટે વલસાડ ચૂંટણી સમિતિની બેઠક બાદ વલસાડ, ધરમપુર અને પારડી નગરપાલિકા માટે ઉમેદવારોની યાદી જાહેર કરવામાં આવી છે.ભાજપના ઉમેદવાર સામે ભાજપનાં જ સભ્ય  ઉમેદવારી નોંધાવશે તો પક્ષ તેમના વિરુદ્ધ કાર્યવાહી કરશે એમ ભાજપના સૂત્રોએ જણાવ્યું છે.સૂત્રોના જણાવ્યા અનુસાર, કેટલાક નારાજ કાર્યકરો અપક્ષ તરીકે ચૂંટણી લડવાનું વિચારી રહ્યા છે. આ ઉપરાંત, ભાજપે ઉમરગામ અને કપરાડા તાલુકા પંચાયતોની ખાલી બેઠકોની પેટા ચૂંટણી માટે પણ ઉમેદવારોની પસંદગી કરી લીધી છે. આ નિર્ણયથી સ્થાનિક રાજકારણમાં નવા સમીકરણો સર્જાવાની શક્યતા છે. વલસાડ નગર પાલિકામાંથી 10 કાઉન્સિલરોને રિપીટ કરવામાં આવ્યા છે.