રાજ્યના વિવિધ પ્રવાસન સ્થળોની વ્યવસ્થાઓમાં ગુણવત્તા સુધારણા અને નવા પ્રવાસન સ્થળ વિકસાવવાના મુખ્ય ઉદ્દેશ સાથે ‘જિલ્લા પ્રવાસન વિકાસ સોસાયટી’ની રચના કરાશે.
નાયબ મુખ્યમંત્રી હર્ષ સંઘવીની અધ્યક્ષતામાં આજે યોજાયેલી બેઠકમાં આ નિર્ણય લેવાયો. આ સોસાયટીમાં જિલ્લા કલેકટર/ મ્યુનિસિપલ કમિશનર અધ્યક્ષ તરીકે રહેશે. આ ઉપરાંત જિલ્લા સ્તરના મહત્વના અધિકારીઓ, ચૂંટાયેલા પ્રતિનિધિઓ, પ્રવાસન સંબંધિત સંગઠનો અને બોર્ડના પ્રતિનિધિઓનો સમાવેશ કરાશે. પ્રવાસન વિકાસ માટે વર્ષ દરમિયાન દરેક જિલ્લામાં 10 કરોડ રૂપિયા સુધીનું અનુદાન અપાશે.