પ્રધાનમંત્રી નરેન્દ્ર મોદી અને બ્રાઝિલના રાષ્ટ્રપ્રમુખ લુઇઝ ઇનાસિયો લુલા દા સિલ્વા વચ્ચે ગઈકાલે ટેલિફોનીક વાતચીત થઈ હતી. પ્રધાનમંત્રી કાર્યાલયે એક નિવેદનમાં જણાવ્યું કે, વાતચીત દરમિયાન, બંને નેતાઓ વેપાર, ટેકનોલોજી, ઉર્જા, સંરક્ષણ, કૃષિ, આરોગ્ય અને લોક સંપર્ક વધારવા સંમત થયા હતા. તેમણે પરસ્પર હિતના પ્રાદેશિક અને વૈશ્વિક મુદ્દાઓ પર પણ ચર્ચા કરી હતી.દરમિયાન, પ્રધાનમંત્રી મોદીએ ગયા મહિને તેમની બ્રાઝિલ મુલાકાતનો પણ ઉલ્લેખ કર્યો હતો. પ્રધાનમંત્રી કાર્યાલયે જણાવ્યું કે, વાતચીત દરમિયાન, બંને નેતાઓએ બંને દેશો વચ્ચેની વ્યૂહાત્મક ભાગીદારીને નવી ઊંચાઈઓ પર લઈ જવાની તેમની પ્રતિબદ્ધતાનો પુનરોચ્ચાર કર્યો હતો.