જાપાન મુલાકાતના પહેલા દિવસે 15મા ભારત-જાપાન વાર્ષિક શિખર સંમેલનમાં હાજરી આપ્યા બાદ, પ્રધાનમંત્રી મોદી આજે ટોક્યોમાં 16 પ્રાંતોના ગવર્નરોને મળ્યા. પ્રધાનમંત્રીએ તેમને ભારતની વિકાસગાથામાં ભાગીદાર બનવા આમંત્રણ આપ્યું.
બાદમાં, શ્રી મોદી અને જાપાનના પ્રધાનમંત્રી શિગેરુ ઇશિબાએ શિંકાનસેન-બુલેટ ટ્રેન દ્વારા મિયાગી પ્રાંતના સેન્ડાઈ સુધી મુસાફરી કરી. તેઓએ સેમિકન્ડક્ટર ઉત્પાદનના મુખ્ય ઉત્પાદક ટોક્યો ઇલેક્ટ્રોન ફેક્ટરીની મુલાકાત લીધી.
ગઈકાલે વાર્ષિક શિખર સંમેલન દરમિયાન, શ્રી મોદી અને શ્રી ઇશિબાએ પ્રતિનિધિમંડળ સ્તરની વાટાઘાટો કરી અને અનેક કરારોનું આદાન-પ્રદાન કર્યું. આ પ્રસંગે, પ્રધાનમંત્રી નરેન્દ્ર મોદીએ કહ્યું કે ભારત-જાપાન મિત્રતા આવનારા સમયમાં નવી ઊંચાઈઓને સ્પર્શશે. અમારા સંવાદદાતા અહેવાલ આપે છે કે આ મુલાકાત ભારત-જાપાન ભાગીદારીમાં એક નવા યુગની શરૂઆત દર્શાવે છે.