પ્રધાનમંત્રી નરેન્દ્ર મોદીએ કહ્યું છે કે ઓપરેશન સિંદૂર દરમિયાન ત્રણેય સંરક્ષણ સેવાઓ વચ્ચેના અસાધારણ સંકલનને કારણે પાકિસ્તાનને શરણાગતિ સ્વીકારવાની ફરજ પડી હતી. ભારતીય સશસ્ત્ર દળો સાથે દિવાળી ઉજવવાની તેમની વાર્ષિક પરંપરાને જાળવી રાખતા, શ્રી મોદીએ આજે ગોવા અને કારવારના દરિયાકાંઠે INS વિક્રાંત પર નૌકાદળના જવાનો સાથે દિવાળી ઉજવી.
શ્રી મોદીએ કહ્યું કે INS વિક્રાંત, જે ભારતનું પ્રથમ સ્વદેશી વિમાનવાહક જહાજ છે, તે ભારતના સશસ્ત્ર દળોની ક્ષમતાને પ્રતિબિંબિત કરે છે. તેમણે કહ્યું કે INS વિક્રાંત માત્ર એક યુદ્ધ જહાજ નથી; તે 21મી સદીના ભારતની ચાતુર્ય, સંકલ્પ અને વૈશ્વિક પ્રભાવનો પુરાવો છે. શ્રી મોદીએ કહ્યું કે INS વિક્રાંત આત્મનિર્ભર ભારત અને મેડ ઇન ઇન્ડિયાનું એક વિશાળ પ્રતીક છે.
(બાઇટ- નરેન્દ્ર મોદી , પ્રધાનમંત્રી , પીએમ-આત્મનિર્ભર ભારત )
પ્રધાનમંત્રીએ સુરક્ષા દળોની બહાદુરી અને નિશ્ચયની પણ પ્રશંસા કરી અને કહ્યું કે તેના કારણે જ રાષ્ટ્રએ માઓવાદી આતંકવાદને ખતમ કરીને એક મહત્વપૂર્ણ સીમાચિહ્ન હાંસલ કર્યું છે.
૨૨ એપ્રિલના રોજ જમ્મુ અને કાશ્મીરના પહેલગામમાં થયેલા ઘાતક આતંકવાદી હુમલાના જવાબમાં ભારતીય દળોએ ૭ મેના રોજ ઓપરેશન સિંદૂર શરૂ કર્યું અને પાકિસ્તાન કબજા હેઠળના કાશ્મીર (પીઓકે) અને પાકિસ્તાનમાં અનેક આતંકવાદી માળખાગત સ્થળોને નિશાન બનાવીને સંકલિત હુમલાઓ કર્યા.
નૌકાદળના કર્મચારીઓને સંબોધતા તેમણે કહ્યું કે તેઓ ભાગ્યશાળી છે કે તેઓ તેમની સાથે પવિત્ર તહેવાર ઉજવી રહ્યા છે.
શ્રી મોદીએ કહ્યું કે, આજનો દિવસ એક અદ્ભુત દિવસ છે કારણ કે, એક તરફ મારી પાસે સમુદ્ર છે, અને બીજી તરફ, મારી પાસે ભારત માતાના બહાદુર સૈનિકોની તાકાત છે. તેમણે કહ્યું કે, સમુદ્રના પાણીમાં સૂર્યના કિરણોનો પ્રકાશ બહાદુર સૈનિકો દ્વારા પ્રગટાવવામાં આવતા દિવાળીના દીવા જેવો છે.
પ્રધાનમંત્રી તરીકેના તેમના પ્રથમ વર્ષમાં, શ્રી મોદીએ લદ્દાખના સિયાચીન ગ્લેશિયરમાં ત્યાં તૈનાત સૈનિકો સાથે દિવાળી ઉજવી. ગયા વર્ષે તેમણે સર ક્રીકમાં તૈનાત સૈનિકો સાથે દિવાળી ઉજવી, ભારતની સરહદોની રક્ષા કરતા કર્મચારીઓ સાથે તહેવાર ઉજવવાની તેમની પરંપરા જાળવી રાખી છે.