પ્રધાનમંત્રી નરેન્દ્ર મોદી આવતીકાલથી ત્રણ દિવસ બ્રુનેઈ અને સિંગાપોરના પ્રવાસે જશે. નવી દિલ્હીમાં માધ્યમોને સંબોધતાં વિદેશ મંત્રાલયના સચિવ (પૂર્વ) જયદીપ મજૂમદારે કહ્યું હતું કે, અત્યારસુધીમાં ભારતીય પ્રધાનમંત્રીની બ્રુનેઈની આ પ્રથમ મુલાકાત છે. ભારત અને બ્રુનેઈ વચ્ચેના રાજદ્વારી સંબંધોના 40 વર્ષ થતાં શ્રી મોદી બ્રુનેઇ જઈ રહ્યાં છે.
શ્રી મજૂમદારે કહ્યું, ભારતની ‘એક્ટ ઇસ્ટ’ પૉલિસી અને તેના ઇન્ડો-પેસિફિક લક્ષ્યમાં બ્રુનેઈ એ ભારતનું મહત્વનું ભાગીદાર છે. ઉપરાંત પ્રધાનમંત્રી નરેન્દ્ર મોદી લગભગ છ વર્ષ બાદ ચોથી અને પાંચમી સપ્ટેમ્બરે સિંગાપોર જશે.