પ્રધાનમંત્રી નરેન્દ્ર મોદીએ ગેરકાયદેસર ઘૂસણખોરી સામે ચેતવણી આપી છે અને તેને દેશની વસ્તી વિષયક પરિસ્થિતિ માટે ખતરો ગણાવ્યો છે.
ગઈકાલે સ્વતંત્રતા દિવસે સંબોધન કરતાં શ્રી મોદીએ ગેરકાયદેસર પ્રવાસીઓ દ્વારા ઉભા થયેલા ખતરાથી દેશને બચાવવા માટે એક ઉચ્ચ-સ્તરીય વસ્તી વિષયક મિશન શરૂ કરવાની જાહેરાત કરી હતી. પ્રધાનમંત્રીએ કહ્યું કે તેઓ દેશને આ ચિંતા પ્રત્યે ચેતવણી આપવા માંગે છે, જે હવે એક પડકાર બની ગઈ છે. તેમણે કહ્યું કે એક સુનિયોજિત ષડયંત્ર હેઠળ, દેશની વસ્તી વિષયક સ્થિતિ બદલીને નવા સંકટના બીજ વાવી રહ્યા છે.
શ્રી મોદીએ કહ્યું કે ઘૂસણખોરો દેશના યુવાનોની આજીવિકા છીનવી રહ્યા છે અને આપણી બહેનો અને દીકરીઓને નિશાન બનાવી રહ્યા છે. આદિવાસીઓને ગેરમાર્ગે દોરવામાં આવી રહ્યા છે અને તેમની જમીનો પચાવી પાડવામાં આવી રહી છે. હવે આ સહન કરવામાં આવશે નહીં. પ્રધાનમંત્રીએ વસ્તી વિષયક પરિવર્તન દ્વારા ઉભા થતા પડકારો વિશે વાત કરી, ખાસ કરીને સરહદી વિસ્તારોમાં. તેમણે કહ્યું કે સરહદી વિસ્તારોમાં વસ્તી વિષયક પરિવર્તન રાષ્ટ્રીય સુરક્ષા માટે ગંભીર ખતરો છે.