પ્રધાનમંત્રી નરેન્દ્ર મોદીએ સર્જનાત્મકતા, સતત વિકાસ અને લોક ભાગીદારીને એકસાથે લાવવા અમદાવાદમાં યોજાયેલા ફ્લાવર શૉની નોંધપાત્ર ભૂમિકાની પ્રશંસા કરી. સોશિયલ મીડિયા સંદેશમાં શ્રી મોદીએ કહ્યું, આ આયોજન શહેરની જીવંત ભાવના અને પ્રકૃતિ પ્રત્યે પ્રેમને દર્શાવે છે.
દરમિયાન મુખ્યમંત્રી ભૂપેન્દ્ર પટેલે કહ્યું, અમદાવાદ મહાનગરપાલિકા દ્વારા યોજાયેલા 14-મા ફ્લાવર શૉમાં બે ગિનિસ વિશ્વ વિક્રમ બનવો એ દેશ માટે ગૌરવની વાત છે. શ્રી પટેલે કહ્યું, ફ્લાવર શૉ માત્ર ફૂલોનું પ્રદર્શન જ નહીં, પણ દેશના સાંસ્કૃતિક વારસા, રાષ્ટ્રીય એકતા અને આધુનિક ભારતની સર્જનાત્મક શક્તિનો ભવ્ય ઉત્સવ છે.