પ્રધાનમંત્રી નરેન્દ્ર મોદીએ આજે ભાર મૂક્યો કે સંતુલન પુનઃસ્થાપિત કરવું એ ફક્ત વૈશ્વિક કારણ નથી પરંતુ વૈશ્વિક તાકીદ છે. નવી દિલ્હીમાં વિશ્વ આરોગ્ય સંસ્થા-WHOના પરંપરાગત દવા પરના બીજા વૈશ્વિક શિખર સંમેલનના સમાપન સમારોહને સંબોધતા શ્રી મોદીએ કહ્યું કે યોગે સમગ્ર વિશ્વને સ્વાસ્થ્ય, સંતુલન અને સુમેળનો માર્ગ બતાવ્યો છે. તેમણે કહ્યું કે ભારતના પ્રયાસો અને 175 થી વધુ દેશોના સહયોગથી, 21 જૂનને સંયુક્ત રાષ્ટ્ર દ્વારા આંતરરાષ્ટ્રીય યોગ દિવસ જાહેર કરવામાં આવ્યો. તેમણે કહ્યું કે વર્ષોથી, દરેક વ્યક્તિએ યોગને વિશ્વના દરેક ખૂણામાં પહોંચતો જોયો છે.
આ પ્રસંગે, શ્રી મોદીએ WHOના મહાનિદેશક ડૉ. ટેડ્રોસ અધાનમ ઘેબ્રેયસસ સાથે દિલ્હીમાં નવા WHO-દક્ષિણ પૂર્વ એશિયા પ્રાદેશિક કાર્યાલય સંકુલનું ઉદ્ઘાટન કર્યું, પ્રધાનમંત્રીએ યોગમાં તાલીમ પર WHO ટેકનિકલ રિપોર્ટ અને આયુષમાં “રૂટ્સ ટુ ગ્લોબલ રીચ: 11 યર્સ ઓફ ટ્રાન્સફોર્મેશન” પુસ્તકનું પણ વિમોચન કર્યું.