પ્રધાનમંત્રી નરેન્દ્ર મોદી આજે જોર્ડન, ઇથોપિયા અને ઓમાનની મુલાકાતે જવા રવાના થશે.
મુલાકાતના પ્રથમ તબક્કામાં, શ્રી મોદી રાજા અબ્દુલ્લાહ બીજા ઇબ્ન અલ-હુસૈનના આમંત્રણ પર જોર્ડનની મુલાકાત લેશે. પ્રધાનમંત્રી મોદી જોર્ડનના રાજા સાથે દ્વિપક્ષીય સંબંધોના તમામ ક્ષેત્રોની સમીક્ષા કરશે અને પ્રાદેશિક મુદ્દાઓ પર વિચારોનું આદાન-પ્રદાન કરશે.
પ્રધાનમંત્રી આવતીકાલે ઇથોપિયા માટે રવાના થશે. પ્રધાનમંત્રીની આ ઇથોપિયાની પ્રથમ મુલાકાત છે. શ્રી મોદી ઇથોપિયાના પ્રધાનમંત્રી સાથે ભારત-ઇથોપિયા દ્વિપક્ષીય સંબંધોના તમામ પાસાઓ પર વ્યાપક ચર્ચા કરશે.
મુલાકાતના અંતિમ તબક્કામાં, પ્રધાનમંત્રી ઓમાનની યાત્રા કરશે અને સુલતાન હૈથમ ઇબ્ન તારિક સાથે મુલાકાત કરશે.