પ્રધાનમંત્રી નરેન્દ્ર મોદીએ આફ્રિકામાં યોજાનાર G20 શિખર સંમેલનને વિશેષ ગણાવતા કહ્યું આ સંમેલનમાં અનેક વૈશ્વિક મુદ્દાઓ પર ચર્ચા થશે તેમણે કહ્યું કે તેઓ વસુધૈવ કુટુમ્બકમ અને એક પૃથ્વી, એક પરિવાર, એક ભવિષ્યના રાષ્ટ્રના વિઝનને અનુરૂપ સમિટમાં ભારતનો દ્રષ્ટિકોણ રજૂ કરશે. દક્ષિણ આફ્રિકાના જોહાનિસબર્ગની મુલાકાત લેતા પહેલા શ્રી મોદીએ કહ્યું, આ એક ખાસ સંમેલન હશે, કારણ કે તે આફ્રિકામાં યોજાનારી પ્રથમ G20 સમિટ છે. તેમણે યાદ કર્યું કે 2023 માં ભારતના પ્રમુખપદ દરમિયાન આફ્રિકન યુનિયન G20નું સભ્ય બન્યું હતું.
આ વર્ષના G20 એકતા, સમાનતા અને ટકાઉપણુંની થીમ પર પ્રકાશ પાડતા તેમણે કહ્યું કે દક્ષિણ આફ્રિકાએ નવી દિલ્હી અને રિયો ડી જાનેરોમાં યોજાયેલી અગાઉની સમિટના પરિણામોને આગળ ધપાવ્યા છે.
પ્રધાનમંત્રી શ્રી મોદી આજે ત્રણ દિવસીય G20 નેતાઓની સમિટમાં હાજરી આપવા માટે દક્ષિણ આફ્રિકાના જોહાનિસબર્ગ જવા રવાના થયા છે. તેઓ તમામ સત્રોમાં ભાગ લેશે અને વૈશ્વિક દક્ષિણ ચિંતાઓ, ટકાઉ વિકાસ, આબોહવા કાર્યવાહી, ઊર્જા સંક્રમણ અને વૈશ્વિક શાસનમાં સુધારા સહિત ભારતની મુખ્ય પ્રાથમિકતાઓ રજૂ કરશે. તેઓ દક્ષિણ આફ્રિકાના રાષ્ટ્રપતિ સિરિલ રામાફોસા અને અન્ય ઘણા વિશ્વ નેતાઓને મળશે.