પ્રખ્યાત આસામી ગાયક ઝુબીન ગર્ગના અંતિમ સંસ્કાર આજે બપોરે ગુવાહાટીના સોનાપુરમાં કરવામાં આવશે. ગુવાહાટીના અર્જુન ભોગેશ્વર બરુઆ સ્પોર્ટ્સ કોમ્પ્લેક્સમાં સુપ્રસિદ્ધ ગાયકને અંતિમ શ્રદ્ધાંજલિ આપી હતી, અત્યાર સુધીમાં 10 લાખથી વધુ લોકોએ શ્રદ્ધાંજલિ આપી હતી.ઝુબીન ગર્ગનું ગયા શુક્રવારે સિંગાપોરમાં ડૂબી જવાથી અવસાન થયું હતું. ઝુબીન નોર્થઈસ્ટ ફેસ્ટિવલમાં પરફોર્મ કરવા માટે સિંગાપોર ગયા હતા. પૂર્વોત્તરના વિવિધ રાજ્યોના લોકોએ આસામના મુખ્યમંત્રી હિમંતા બિસ્વા શર્માએ જણાવ્યું હતું કે, જાહેર માંગને પગલે, ઝુબીન ગર્ગના મૃતદેહનું બીજું પોસ્ટમોર્ટમ આજે ગુવાહાટી મેડિકલ કોલેજ અને હોસ્પિટલમાં કરવામાં આવશે.ઝુબીન ગર્ગ 2006માં ફિલ્મ ગેંગસ્ટરના “યા અલી” ગીતથી બોલિવૂડમાં પ્રસિદ્ધિ મેળવી હતી. તેમણે 40 ભાષાઓમાં 38 હજારથી વધુ ગીતો ગાયા છે. તેમનો પહેલો આલ્બમ, “અનામિકા”, 1992માં રિલીઝ થયો હતો. ઉત્તર-પૂર્વીય રાજ્યોમાં, તેઓ માત્ર ગાયક, ગીતકાર, સંગીતકાર, ફિલ્મ નિર્માતા અને અભિનેતા તરીકે જ નહીં, પરંતુ સાંસ્કૃતિક અને પરોપકારી તરીકે પણ લોકપ્રિય હતા.કેન્દ્રીય મંત્રી કિરેન રિજિજુ અને વિવિધ રાજ્ય સરકારોના પ્રતિનિધિઓ અંતિમ સંસ્કારમાં હાજરી આપશે.