પોરબંદરના બરડા જંગલમાં ટૂંક સમયમાં જંગલ સફારી શરૂ થશે. આ માટેની તૈયારીઓ વનવિભાગ દ્વારા શરૂ કરી દેવાઈ છે. શરૂઆતના સમયમાં લોકોએ અહીં બૂકિંગ વિન્ડોથી ઑફલાઇન ટિકિટ લેવાની રહેશે. ટિકિટના ભાવ આગામી ટૂંક સમયમાં નક્કી થશે. સાથે જ ગાઇડ માટેની ભરતી પ્રક્રિયા પણ ટૂંક સમયમાં હાથ ધરાશે. 192 ચોરસ મીટરનો વિસ્તાર ધરાવતા બરડા જંગલમાં સાબર અને ચિતલનું પ્રજનન કેન્દ્ર આવેલું છે. આ ઉપરાંત ત્યાં સિંહ, દીપડા નીલગાય, જંગલી ભૂંડ, સાબર, ચિતલ સહિતના વન્ય પ્રાણીઓ જોવા મળે છે. કુદરતી ઝરણાંઓ, જંગલોમાં ઔષધિ વૃક્ષો બરડા જંગલની શોભા વધારે છે.