તમિલના નવા વર્ષની ઉજવણી આજે થઈ રહી છે. સૌર પંચાગ અનુસાર ચિથિરાઈ મહિનાના આજના દિવસે નવુ વર્ષ મનાવાય છે. આજે સવારથી જ લોકો મંદિરોમાં દેવ દર્શન કરીને તેની ઉજવણી કરે છે. તમિલોના ઘરે આજે અરુસુવાઈ એટલે કે છ સ્વાદનું ભોજન બને છે જે કેળાના પાનમાં પીરસવામાં આવે છે. કડવી, મીઠી, ખાટી, મસાલેદાર, ખારી અને તીખી હોય તેવી છ સ્વાદની વાનગીઓ બનવાવીને તેને આરોગવામાં આવે છે.આજે કેરળ પણ તેનુ પારંપરિક નવુ વર્ષ વિશુની ઉજવણી કરી રહ્યું છે. જે અંતર્ગત વિવિધ પરંપરાગત કાર્યક્રમ યોજાઇ રહ્યાં છે.