નવેમ્બર 30, 2025 4:32 પી એમ(PM)

printer

પાટણમાં ગૌભક્તિ મહોત્સવનું આયોજન કરાયું.

પાટણમાં ગૌભક્તિ મહોત્સવનું આયોજન કરાયું છે. જે અંતર્ગત આવતીકાલથી શ્રીમદ્ ભાગવત ગૌ કથાનો પ્રારંભ થશે.
પાટણ શહેરમાં હાથીની અંબાડી પર પોથી યાત્રા નીકળી હતી. આ પોથીયાત્રામાં મોટી સંખ્યામાં ધર્મપ્રેમી લોકો જોડાયા હતા. આ પોથીયાત્રામાં અનેકવિધ ટેબ્લો અને વિવિધ ઝાંખીઓ આકર્ષણનું કેન્દ્ર બન્યા હતા. પોથીયાત્રાના સમગ્ર માર્ગમાં વિવિધ સંસ્થાઓ દ્વારા વિવિધ પ્રકારના સેવા કેમ્પનું આયોજન પણ કરવામાં આવ્યું હતું.
આવતીકાલથી હરિઓમ ગૌ શાળા – ગૌ હોસ્પિટલ ખાતે અણહિલવાડ ગૌભક્તિ મહોત્સવમાં જાણીતા કથાકાર રમેશભાઈ ઓઝા ના મુખેથી હજારો ભાવિકજનો શ્રીમદ ભાગવત કથાનું રસપાન કરશે.
આ સમગ્ર ભાગવત કથા સપ્તાહને અનુલક્ષીને મોટાપાયે સુંદર આયોજન વ્યવસ્થા કરવામાં આવી છે. જનતા માટે દરરોજ ભોજન પ્રસાદનું પણ આયોજન કરવામાં આવ્યું છે
ભાગવત કથા દરમિયાન વાલ્મિકી સમાજની 51 દીકરીઓના કુમકુમ પગલા પાડીને કથાનો પ્રારંભ કરવાનો નિર્ણય કરાયો છે