પહેલગામ આતંકવાદી હુમલા બાદ ભારતે સિંધુ જળ કરાર પર રોક અને 48 કલાકમાં પાકિસ્તાની નાગરિકોને ભારત છોડવાના આદેશ જેવા શ્રેણીબદ્ધ 5 આકરા નિર્ણય કર્યા છે.
સુરક્ષા કેબિનેટ સમિતિ, CCS (સીસીએસ) ગઈકાલે સાંજે પ્રધાનમંત્રી નરેન્દ્ર મોદીના નિવાસસ્થાને મળેલી બેઠકમાં એકંદર સુરક્ષા પરિસ્થિતિની સમીક્ષા કરી હતી અને તમામ દળોને ઉચ્ચ તકેદારી રાખવા નિર્દેશ આપ્યો હતો.
સીસીએસએ જણાવ્યું કે, આતંકવાદી હુમલાના સરહદ પારના જોડાણો બહાર લાવવામાં આવ્યા હતા. જમ્મુ અને કાશ્મીરમાં ચૂંટણીઓના સફળ આયોજન અને આર્થિક વિકાસ અને વિકાસ તરફ તેની સતત પ્રગતિના પગલે આ હુમલો થયો હોવાનું જણાવા આવ્યું છે.
CCSસે આ હુમલાની સખત શબ્દોમાં નિંદા કરી અને પીડિતોના પરિવારો પ્રત્યે ઊંડી સંવેદના વ્યક્ત કરી અને ઘાયલોના વહેલા સ્વસ્થ થવાની આશા વ્યક્ત કરી.
જેમાં 1960ની સિંધુ જળ સંધિને સ્થગિત કરવી અને તાત્કાલિક અસરથી અટારી બોર્ડર બંધ કરવામાં આવી છે ઉપરાંત ભારતમાં હાલમાં રહેતાં કોઈપણ પાકિસ્તાની નાગરિકને ભારત છોડવા માટે 48 કલાકનો સમય આપવામાં આવ્યો છે.
આ અંગે વિદેશ સચિવ વિક્રમ મિશ્રીએ કહ્યુ કે,પાકિસ્તાની નાગરિકોને સાર્ક વિઝા એક્ઝેમ્પશન સ્કીમ (SVES) વિઝા હેઠળ ભારતની મુસાફરી કરવાની મંજૂરી આપવામાં આવશે નહીં અને ભૂતકાળમાં પાકિસ્તાની નાગરિકોને જારી કરાયેલા કોઈપણ SVES વિઝા રદ ગણવામાં આવે છે.
દિલ્હીમાં પાકિસ્તાની હાઈકમિશનમાં સંરક્ષણ-લશ્કરી-નૌકાદળ અને હવાઈદળના અધિકારીઓ અને સલાહકારોને ભારત છોડવા માટે એક અઠવાડિયાનો સમય આપવામાં આવ્યો છે.
ભારત, ઇસ્લામાબાદ સ્થિત ભારતીય હાઇકમિશન માંથી પોતાના સંરક્ષણ, નૌકાદળ અને હવાઈદળના સલાહકારોને પાછા બોલાવશે. શ્રી મિશ્રીએ વધુમાં જણાવ્યું હતું કે સંબંધિત ઉચ્ચ કમિશનમાં આ જગ્યાઓ રદ માનવામાં આવે છે. બંને હાઇકમિશન માંથી સર્વિસ એડવાઇઝર્સના પાંચ સપોર્ટ સ્ટાફને પણ પાછા ખેંચી લેવામાં આવશે.
વિદેશ સચિવે જણાવ્યું હતું કે, 1 મે સુધીમાં હાઇ કમિશનની કુલ સંખ્યા હાલના 55 થી ઘટાડીને 30 કરવામાં આવશે.
વિશ્વભરની ઘણી સરકારો તરફથી સમર્થન અને એકતાના મજબૂત અભિવ્યક્તિઓ પ્રાપ્ત થયા છે, જેમણે આ આતંકવાદી હુમલાની સ્પષ્ટ નિંદા કરી છે. CCS એ આવી લાગણીઓ માટે તેની પ્રશંસા નોંધાવી, જે આતંકવાદ પ્રત્યે શૂન્ય-સહિષ્ણુતા દર્શાવે છે.