પશ્ચિમ રાજસ્થાન ઉપર અપાર એર સાયક્લોનિક સર્ક્યુલેશન સર્જાતા રાજ્યમાં કમોસમી વરસાદ વરસવાની હવામાન વિભાગે આગાહી કરી છે. હવામાન વિભાગના વૈજ્ઞાનિક પ્રદિપ શર્માએ વિગતો આપતાં જણાવ્યું હતું કે, આજે કચ્છ, બનાસકાંઠા, સાબરકાંઠામાં ગાજવીજ સાથે છૂટાછવાયા વરસાદ પડવાની સંભાવના છે. જ્યારે આવતીકાલે કચ્છ, બનાસકાંઠા, સાબરકાંઠા, પાટણ, મહેસાણા, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, દીવ, ગીરસોમનાથ, અમરેલી, ભાવનગરના ગાજવીજ સાથે છૂટાછવાયા વરસાદની આગાહી કરવામાં આવી છે.ગઇકાલે દિવસ દરમિયાન ગાંધીનગરનો પારો 43.5 ડિગ્રી અને અમદાવાદનું તાપમાન 43.4 ડિગ્રી નોંધાયું હતું.