પંચમહાલ જિલ્લામાં રાજ્યમાં પ્રથમ વખત ગૌ -રક્ષા સ્ક્વોર્ડની રચના કરાઈ છે. જિલ્લામાં ગૌવંશની સુરક્ષા, કલ્યાણ અને ગેરકાયદે પ્રવૃત્તિઓને રોકવા માટે
આ સ્ક્વોર્ડ આગામી દિવસોમાં સતત સક્રિય રહેશે.
પંચમહાલ જિલ્લા પોલીસ તંત્ર દ્વારા ગઠિત આ વિશેષ સ્કોવોર્ડમાં કુલ આઠ અધિકારીઓ અને જવાનોનો સમાવેશ કરાયો છે. તેમાં એક PSI, કૉન્સ્ટેબલ અને છ પોલીસ કૉન્સ્ટેબલ હશે. આ ટીમને ગૌ-સંરક્ષણ સંબંધિત કાયદાઓ, ઓપરેશન્સની રીતો અને જોખમભર્યા વિસ્તારોમાં કામ કરવાની ખાસ તાલીમ આપવામાં આવી છે. તેના કારણે આ સ્કોવોર્ડ જિલ્લાના દરેક ખૂણે ઝડપી અને અસરકારક રીતે કાર્યવાહી કરી શકે છે.