ન્યુઝીલેન્ડમાં, આજે બે ઓફ પ્લેન્ટી ક્ષેત્રમાં માઉન્ટ મૌંગાનુઈમાં હોલિડે પાર્કમાં મોટા ભૂસ્ખલન બાદ બાળકો સહિત ઘણા લોકો ગુમ થયા છે. ઇમરજન્સી મેનેજમેન્ટ મિનિસ્ટર માર્ક મિશેલે જણાવ્યું હતું કે બીચસાઇડ હોલિડે પાર્કમાં શોધ અને બચાવ કાર્ય થઇ રહ્યું છે.ફાયર એન્ડ ઇમરજન્સી ન્યુઝીલેન્ડના કમાન્ડર વિલિયમ પાઇકે જણાવ્યું હતું કે, બચાવકર્તાઓએ શરૂઆતમાં કાટમાળ નીચેથી અવાજો સાંભળ્યા હતા પરંતુ ત્યારથી કોઈ અવાજ સાંભળ્યો નથી, અને હજુ સુધી કોઈ બચી ગયેલા લોકો મળ્યા નથી.ભારે વરસાદ અને પૂરને કારણે રાતોરાત નોર્થ આઇલેન્ડના કેટલાક ભાગોમાં ભારે તબાહી મચી ગઈ હતી.