નેશનલ ઇન્સ્ટિટ્યૂટ ઓફ ફેશન ટેકનોલોજીએ વિવિધ શ્રેણીઓમાં પ્રવેશ પરીક્ષાઓ માટેની અરજી ફીમાં ઘટાડો કર્યો છે. કાપડ મંત્રાલયે જણાવ્યું હતું કે 2026-27ની બેચ માટે, ઓપન, OBC-NCL અને ઓપન-EWS શ્રેણીઓ માટેની અરજી ફી ત્રણ હજાર રૂપિયાથી ઘટાડીને બે હજાર રૂપિયા કરવામાં આવી છે. તેવી જ રીતે, SC, ST અને PwD ઉમેદવારો માટેની અરજી ફી પંદરસો રૂપિયાથી ઘટાડીને પાંચસો રૂપિયા કરવામાં આવી છે. પ્રવેશ પરીક્ષા માટે ફોર્મ ભરવાની પ્રક્રિયા શરૂ થઈ ગઈ છે જે 6 જાન્યુઆરી 2026 ના રોજ પૂર્ણ થશે. આ પરીક્ષા 8 ફેબ્રુઆરી 2026 ના રોજ દેશભરના 100 થી વધુ શહેરોમાં લેવામાં આવશે.