નાસાના અવકાશયાત્રી એની મેકક્લૅન અને નિકૉલ એયર્સ, જાપાન એરોસ્પેસ એક્સ-પ્લોરેશન એજન્સી- જેક્સાના અવકાશયાત્રી તાકુયા ઑનિષી તથા રશિયાની અવકાશ સંસ્થા- રોસ્કો-સ્મૉસના અવકાશયાત્રી કિરિલ પેસકૉવ સ્પેસએક્સ ડ્રેગન અવકાશયાનથી ભારતીય સમય મુજબ, આજે સવારે 11 વાગ્યાને પાંચ મિનિટે આંતર-રાષ્ટ્રીય અંતરિક્ષ કેન્દ્ર પર પહોંચ્યા છે.
આંતર-રાષ્ટ્રીય અવકાશ કેન્દ્ર પર નાસાનાં ભારતીય મૂળનાં અવકાશયાત્રી સુનિતા વિલિયમ્સ, નિક હૉગ, ડૉન પેટિટ અને બૂચ વિલ્મૉર તથા રશિયાની અવકાશ સંસ્થા રોસ્કો-સ્મૉસના અવકાશયાત્રી એલેક્ઝાન્ડર ગૉરબુનોવ, એલેક્સી ઑવચિનિન તેમ જ ઇવાન વેગનરે તેમનું સ્વાગત કર્યું. શુક્રવારે ટેક્સાસથી લૉન્ચ કરાયેલું સ્પેસએક્સ ડ્રેગન અવકાશયાન ભારતીય સમય મુજબ, નવ વાગ્યાને 35 મિનિટ પર આંતર-રાષ્ટ્રીય અવકાશ મથક પહોંચ્યું હતું. આ મિશનથી નાસાના સુનિતા વિલિયમ્સ અને બૂચ વિલ્મોર પૃથ્વી પરત આવવાથી માત્ર એક પગલું દૂર છે. તેમ જ નવ મહિનાથી અવકાશમાં ફસાયેલા બંને અવકાશયાત્રીઓને ઝડપથી ઘરે પરત આવવાની યાત્રા શરૂ કરશે.