નાણામંત્રી નિર્મલા સીતારમણ આજથી અમેરિકા અને પેરુની સત્તાવાર મુલાકાતે જશે. અમેરિકામાં સન ફ્રાન્સિસ્કો ખાતેના તેમના બે દિવસના રોકાણ દરમિયાન, શ્રીમતી સીતારમણ સ્ટેનફોર્ડ યુનિવર્સિટી ખાતે હૂવર ઇન્સ્ટિટ્યૂશનમાં સંબોધન કરશે અને ટોચની માહિતી ટેકનોલોજી કંપનીઓના સીઈઓ સાથે દ્વિપક્ષીય બેઠકો ઉપરાંત, અગ્રણી ફંડ મેનેજમેન્ટ કંપનીઓના ટોચના સીઈઓ સાથે વાતચીત કરશે. આ સાથે જ ત્યાં વસતા ભારતીયો સાથે વાતચીત પણ કરશે.22મી એપ્રિલે વોશિંગ્ટનની તેમની મુલાકાત દરમિયાન, નાણામંત્રી આંતરરાષ્ટ્રીય નાણાકીય ભંડોળ અને વિશ્વ બેંકની વસંત બેઠકોમાં ભાગ લેશે. સાથે જ G20ના નાણામંત્રીઓ સાથે પણ એક બેઠકમાં ભાગ લેશે.26 એપ્રિલે પેરુની તેમની પ્રથમ મુલાકાત દરમિયાન, શ્રીમતી સીતારમણ નાણા મંત્રાલયના અધિકારીઓ અને વ્યાપારી નેતાઓના ભારતીય પ્રતિનિધિ મંડળનું નેતૃત્વ કરશે, જે બંને દેશો વચ્ચે દ્વિપક્ષીય આર્થિક અને વેપાર સંબંધોને મજબૂત બનાવવા પર પ્રકાશ પાડશે.