નાણામંત્રી નિર્મલા સીતારમણે કહ્યું છે કે ટેકનોલોજીના કાર્યક્ષમ ઉપયોગને કારણે, સરકાર દ્વારા જનતા પાસેથી વસૂલવામાં આવતા કરનું સંચાલન આજે વધુ સારી રીતે થઈ રહ્યું છે.
નાણામંત્રીએ આજે ​​નવી દિલ્હીમાં 49મા સિવિલ એકાઉન્ટ્સ ડે ઉજવણીમાં જાહેર નાણાકીય વ્યવસ્થાપન પ્રણાલીની પણ પ્રશંસા કરી. તેમણે કહ્યું કે સરકારની ડિજિટલ ઇન્ડિયા પહેલ સુનિશ્ચિત કરી રહી છે કે નાગરિકોને સરકારી સેવાઓ ઇલેક્ટ્રોનિક રીતે ઉપલબ્ધ કરાવવામાં આવે.તેમણે કહ્યું કે જાહેર નાણાકીય વ્યવસ્થાપન પ્રણાલી દ્વારા, 60 કરોડ લાભાર્થીઓને પારદર્શિતા સાથે સેવાઓ પૂરી પાડવામાં આવી રહી છે. કેન્દ્ર અને રાજ્ય સરકારની યોજનાઓ અંગે શ્રીમતી સીતારમણે જણાવ્યું હતું કે આ પ્રથા હેઠળ એક હજાર બસો અગિયાર યોજનાઓનું સંચાલન કરવામાં આવે છે.