નાણામંત્રી નિર્મલા સીતારમણે જણાવ્યું છે કે, કેન્દ્ર સરકાર કર પ્રણાલીને સરળ બનાવવા માટે કામ કરી રહી છે અને આવકવેરાને હવે એક બોજારૂપ પ્રક્રિયા ન માનવી જોઈએ.આજે નવી દિલ્હીમાં ખાનગી મીડિયા સંગઠનોના સંમેલનને સંબોધતા તેમણે કહ્યું કે, નાગરિકોના ઉત્થાન માટે આવકવેરાના સ્લેબને વધુ પારદર્શક, સરળ અને સુસંગત બનાવવા જરૂરી છે. કસ્ટમ માળખામાં ધરમૂળથી ફેરફાર એ આગામી મુખ્ય કાર્ય હશે.તેમણે જણાવ્યું હતું કે મધ્યમ વર્ગની બચત ઘટી રહી નથી પરંતુ હવે રોકાણમાં રૂપાંતરિત થઈ રહી છે. નાણામંત્રીએ જણાવ્યું હતું કે આ વર્ષે એકંદર વિકાસ દર 7 ટકાથી વધુ રહેશે.