વૈશ્વિક બજારોમાં આર્થિક અનિશ્ચિતતા હોવા છતાં, નાણાકીય વર્ષ 2024-25માં ભારતની ચીજવસ્તુઓ અને સેવાઓની નિકાસ વિક્રમ 820 અબજ ડોલરને વટાવી ગઈ છે, જે અગાઉના નાણાકીય વર્ષના 778 અબજ ડોલરના આંકડાની સરખામણીએ લગભગ 6 ટકાનો વધારો દર્શાવે છે.
વેપાર ઉદ્યોગની સ્થિતિ પર ચર્ચા કરવા કેન્દ્રીય વાણિજ્ય મંત્રી પિયુષ ગોયલ અને એક્સપોર્ટ પ્રમોશન કાઉન્સિલ્સ દ્વારા આયોજિત બેઠકમાં આ આંકડા જાહેર કરાયા હતા.
શ્રી ગોયલે રશિયા-યુક્રેન યુધ્ધ, રાતા સમુદ્રની કટોકટી અને ઇઝરાયેલ-હમાસ સંઘર્ષ સહિતનાં અવરોધો છતાં નિકાસમાં વિક્રમ સર્જવા બદલ નિકાસકારોને અભિનંદન પાઠવ્યા હતા. બેઠકમાં શ્રી ગોયલે નિકાસકારોને અમેરિકા સાથે દ્વિપક્ષીય વેપાર સમજૂતિ અંગે ચાલી રહેલી વાટાઘાટ અંગે માહિતગાર કર્યા હતા.