નવી દિલ્હી ખાતે ‘વિઝન ફોર સુજલામ ભારત-2025’માં રાજ્યનું આગવુ ‘વેડંચા મોડેલ’ રજૂ કરાયું.નવી દિલ્હી ખાતે કેન્દ્રીય જળ શક્તિ મંત્રી શ્રી સી.આર.પાટીલની ઉપસ્થિતિમાં ‘વિઝન ફોર સુજલામ ભારત-2025’ વિભાગીય સમિટનું આયોજન કરાયું હતું. આ સમિટમાં પીવાના પાણીની સુરક્ષા, સ્વચ્છતા, ભૂગર્ભજળ વ્યવસ્થાપન, સિંચાઇ કાર્યક્ષમતા સહિતના મુદ્દાઓ પર વિસ્તૃત ચર્ચા કરવામાં આવી હતી.ગુજરાતના પ્રતિનિધિ બી.એમ.પ્રજાપતિએ સમિટમાં ગ્રે વોટર મેનેજમેન્ટ માટેના રાજ્યના આગવા ‘વેડંચા મોડેલ’નો રજૂ કરતાં કહ્યું ગુજરાતમાં ૧૭ હજારથી વધુ ગામડાઓ છે, જ્યાં ગ્રે વોટર મેનેજમેન્ટ માટે રાજ્ય સરકાર દ્વારા માત્ર રૂ. 6.5 લાખના ખર્ચે ‘વેડંચા મોડેલ’ બનાવવામાં આવ્યું છે.આ મોડેલ કુદરતી રીતે જ વેસ્ટ પાણીને શુદ્ધ કરે. આ પાણીનો કૃષિમાં પણ ઉપયોગ કરી શકાય છે તેમજ તેમાંથી ઉત્પન થતાં સ્લરીનાં ઉપયોગથી સેન્દ્રીય ખાતર પણ બનાવી શકાય છે, જે રેવન્યુ પણ જનરેટ કરે છે.વધુમાં,તેમણે ઉમેર્યું હતું કે, હાલમાં રાજ્યના ૧૫૯ ગામડામાં આ મોડેલને કાર્યરત કરવાની પ્રક્રિયા હાથ ધરવામાં આવી રહી છે.